Thiruthanjai · Thanjavur, Chola Nadu
எம்பிரான் எந்தை என்னுடைச் சுற்றம் எனக்கரசு என்னுடை வாணாள் அம்பினால் அரக்கர் வெருக்கொள நெருக்கி அவர் உயிர் செகுத்த எம் - அண்ணல் வம்புலாம் சோலை மாமதிள் தஞ்சை மாமணிக்கோயிலே வணங்கி நம்பிகாள்! உய்ய நான் கண்டு கொண்டேன் நாராயணா என்னும் நாமம்
பெரிய திருமொழி · 1-1. வாடினேன்
உடம்புருவில் மூன்றொன்றாய் மூர்த்தி வேறாய் உலகுய்ய நின்றானை அன்று பேய்ச்சி விடம் பருகு வித்தகனைக் கன்று மேய்த்து விளையாட வல்லானை வரைமீகானில் தடம் பருகு கருமுகிலைத் தஞ்சைக் கோயில் தவ நெறிக்கு ஓர் பெரு நெறியை வையம் காக்கும் கடும் பரி மேல் கற்கியை நான் கண்டு கொண்டேன் அத்தக் கடிபொழில் சூழ் கடல்மல்லைத் தலசயனத்தே
பெரிய திருமொழி · 2-5. பாராயது
என் செய்கேன் அடியேன்? உரையீர் இதற்கு என்றும் என் மனத்தே இருக்கும் புகழ் தஞ்சையாளியைப் பொன்பெயரோன் நெஞ்சம் அன்று இடந்தவனைத் தழலே புரை மின்செய் வாளரக்கன் நகர் பாழ் படச் சூழ்கடல் சிறை வைத்து இமையோர் தொழும் பொன்செய் மால் வரையை மணிக் குன்றினை அன்றி என் மனம் போற்றியென்னாதே
பெரிய திருமொழி · 7-3. சினவில்
தமர் உள்ளம் தஞ்சை தலை அரங்கம் தண்கால் தமர் உள்ளும் தண்பொருப்பு வேலை - தமர் உள்ளும் மாமல்லை கோவல் மதிள் குடந்தை என்பரே ஏவல்ல எந்தைக்கு இடம்
இரண்டாம் திருவந்தாதி · இரண்டாம் திருவந்தாதி