திருப்பரமேச்வர விண்ணகரம்

சொல்லுவன்‌ சொற்பொருள்‌ தானவையாய்ச்‌ சுவை ஊறு ஒலி நாற்றமும்‌ - தோற்றமுமாய்‌ நல்லரன்‌ நாரணன்‌ நான்முகனுக்கு இடந்தான்‌ தடம்‌ சூழ்ந்து அழகாய - கச்சி பல்லவன்‌ வில்லவன்‌ என்று உலகில்‌ பலராய்ப்‌ பல வேந்தர்‌ வணங்கு கழல்‌ பல்லவன்‌ மல்லையர்‌ கோன்‌ பணிந்த பரமேச்சுர விண்ணகரம்‌ - அதுவே

கார்மன்னு நீள்‌ விசும்பும்‌ கடலும்‌ சுடரும்‌ நிலனும்‌ மலையும்‌ தன்‌ உந்தித்‌ தார்மன்னு தாமரைக்‌ கண்ணனிடம்‌ தட மாமதிள்‌ சூழ்ந்து அழகாய கச்சி ர்‌ தேர்மன்னு தென்னவனை முனையில்‌ செருவில்‌ திறல்‌ வாட்டிய திண்‌ - சிலையோன்‌ பார்மன்னு பல்லவர்‌ கோன்‌ பணிந்த பரமேச்சுர விண்ணகரம்‌ அதுவே

உரந்தரு மெல்லணைப்‌ பள்ளி கொண்டான்‌ ஒருகால்‌ முன்னம்‌ மா - உருவாய்க்‌ கடலுள்‌ வரந்தரு மாமணி வண்ணனிடம்‌ மணி மாடங்கள்‌ சூழ்ந்து அழகாய கச்சி நிரந்தவர்‌ மண்ணையில்‌ புண்ணுகர்‌ வேல்‌ நெடூவாயில்‌ உ௧கச்‌ செருவில்‌ - முன நாள்‌ பரந்தவன்‌ பல்லவர்‌ கோன்‌ பணிந்த பரமேச்சுர விண்ணகரம்‌ அதுவே

அண்டமும்‌ எண்திசையும்‌ நிலனும்‌ மலை நீரொடு வான்‌ எரிகால்‌ முதலா உண்டவன்‌ எந்தை பிரானது இடம்‌ ஒளி மாடங்கள்‌ சூழ்ந்து அழகாய - கச்சி விண்டவர்‌ இண்டைக்‌ குழாமுடனே விரைந்தார்‌ இரியச்‌ செருவில்‌ முனிந்து பண்டு ஒருகால்‌ வளைத்தான்‌ பணிந்த பரமேச்சுர விண்ணகரம்‌ - அதுவே

தூம்புடைத்‌ திண்கை வன்தாள்‌ களிற்றின்‌ துயர்‌ தீர்த்து அரவம்‌ வெருவ - முன நாள்‌ பூம்புனல்‌ பொய்கை புக்கான்‌ அவனுக்கு இடந்தான்‌ தடம்‌ சூழ்ந்து அழகாய - கச்சி தேம்பொழில்‌ குன்றெயில்‌ தென்னவனைத்‌ திசைப்பச்‌ செரு மேல்‌ வியந்து - அன்று சென்ற பாம்புடைப்‌ பல்லவர்‌ கோன்‌ பணிந்த பரமேச்சுர விண்ணகரம்‌ அதுவே

திண்‌ படைக்‌ கோளரியின்‌ உருவாய்த்‌ திறலோன்‌ அகலம்‌ செருவில்‌ முன - நாள்‌ புண்‌ படப்‌ போழ்ந்த பிரானது இடம்‌ பொரு மாடங்கள்‌ சூழ்ந்து அழகாய - கச்சி வெண்குடை நீழல்‌ செங்கோல்‌ நடப்ப விடை வெல்கொடி வேற்படை - நான்முகன்‌ நாரணனுக்கு திகைப்ப முன்‌ உயர்த்த பண்புடைப்‌ பல்லவர்‌ கோன்‌ பணிந்த பரமேச்சுர விண்ணகரம்‌ அதுவே

இலகிய நீள்முடி மாவலி தன்‌ பெரு வேள்வியில்‌ மாண்‌ உருவாய்‌ முன - நாள்‌ சலமொடு மாநிலம்‌ கொண்டவனுக்கு இடந்தான்‌ தடம்‌ சூழ்ந்து அழகாய - கச்சி உலகுடை மன்னவன்‌ தென்னவனைக்‌ கன்னி மாமதிள்‌ சூழ்‌ கருவூர்‌ வெருவ பல படை சாய வென்றான்‌ பணிந்த பரமேச்சுர விண்ணகரம்‌ அதுவே

குடைத்‌ திறல்‌ மன்னவனாய்‌ ஒருகால்‌ குரங்கைப்‌ படையா மலையால்‌ - கடலை அடைத்தவன்‌ எந்தை பிரானது இடம்‌ மணி மாடங்கள்‌ சூழ்ந்து அழகாய - கச்சி விடைத்‌ திறல்‌ வில்லவன்‌ நென்மெலியில்‌ வெருவச்‌ செருவேல்‌ வலங்கைப்‌ - பிடித்த படைத்‌ திறல்‌ பல்லவர்‌ கோன்‌ பணிந்த பரமேச்சுர விண்ணகரம்‌ - அதுவே

பிறையுடை வாணுதல்‌ பின்னை திறத்து முன்னே ஒருகால்‌ செருவில்‌ - உருமின்‌ மறையுடை மால்விடை ஏழ்‌ அடர்த்தாற்கு இடந்தான்‌ தடம்‌ சூழ்ந்து - அழகாய கச்சி ர கறையுடை வாள்‌ மற மன்னர்‌ கெடக்‌ கடல்‌ போல்‌ முழங்கும்‌ குரல்‌ - கடுவாய்‌ பறையுடைப்‌ பல்லவர்‌ கோன்‌ பணிந்த பரமேச்சுர விண்ணகரம்‌ - அதுவே

பார்மன்னு தொல்‌ புகழ்ப்‌ பல்லவர்‌ கோன்‌ பணிந்த பரமேச்சுர - விண்ணகர்‌ மேல்‌ கார்மன்னு நீள்‌ வயல்‌ மங்கையர்‌ தம்‌ தலைவன்‌ கலிகன்றி குன்றாது - உரைத்த ர்‌ சீர்மன்னு செந்தமிழ்‌ மாலை வல்லார்‌ திருமாமகள்‌ தன்‌ அருளால்‌ - உலகில்‌ தேர்‌ மன்னராய்‌ ஒலி மாகடல்‌ சூழ்‌ செழுநீர்‌ உலகாண்டு - திகழ்வர்களே